نئی دہلی:وزیر اعظم نریندر مودی امریکہ پہنچ گئے ہیں۔ امریکہ پہنچنے پر پی ایم مودی کا ہوائی اڈے پر پرتپاک استقبال کیا گیا۔ پی ایم مودی نے واشنگٹن ڈی سی میں امریکی نیشنل انٹیلی جنس ڈائریکٹر تلسی گبارڈ سے ملاقات کی۔ ان کی تقرری پر مبارکباد دی۔ پی ایم مودی نے ایک ایکس پوسٹ میں کہا کہ ہندوستان-امریکہ نے مختلف پہلوؤں پر تبادلہ خیال کیا۔
اس دورے پر پی ایم مودی امریکی صدر ڈونلڈ ٹرمپ کے ساتھ دو طرفہ ملاقات کریں گے۔
پی ایم مودی ان چند عالمی رہنماؤں میں شامل ہیں جو 20 جنوری کو ٹرمپ کی حلف برداری کے بعد امریکہ کا دورہ کر رہے ہیں۔ مودی اور ٹرمپ کے درمیان ملاقات میں کئی دو طرفہ امور پر بات چیت کی توقع ہے۔ خارجہ پالیسی پر نظر رکھنے والے ماہرین نے عندیہ دیا ہے کہ بعض حساس معاملات پر بھی بات ہو سکتی ہے۔ پی ایم مودی کا یہ دورہ ایسے وقت میں ہو رہا ہے جب ٹرمپ 20 جنوری کو عہدہ سنبھالنے کے بعد مختلف ممالک سے درآمد ہونے والی اشیاء پر ٹیرف لگانے کی دھمکی دے رہے ہیں۔
وزیر اعظم نریندر مودی بلیئر ہاؤس پہنچ گئے۔ اس دوران انہوں نے ہندوستانی کمیونٹی سے ملاقات کی۔ وزیر اعظم مودی 12-13 فروری کو امریکہ کے دورے پر ہیں اور امریکی صدر ڈونلڈ ٹرمپ سے ملاقات کریں گے۔جب پی ایم مودی واشنگٹن پہنچے تو ہندوستانی کمیونٹی کے لوگ بھی ان کے استقبال کے لیے وہاں موجود تھے۔ پی ایم مودی نے واشنگٹن پہنچتے ہی ان لوگوں سے ملاقات کی۔ اس ملاقات کے دوران ہی پی ایم مودی کی توجہ ایک معذور خاتون پر پڑی جو ان کے استقبال کے لیے آئی تھی۔ پی ایم مودی نے اس خاتون سے بات کی اور کہا کہ آپ یہاں اس سردی میں میرا استقبال کرنے آئی ہیں۔ اتنے سرد موسم میں یہاں نہیں آنا چاہیے تھا۔
واشنگٹن میں ہندوستانی کمیونٹی کے لوگوں کو ان کے استقبال کے لیے کھڑے دیکھ کر پی ایم مودی خود کو ان سے ملنے سے نہیں روک سکے۔ پی ایم مودی نے نہ صرف ان لوگوں سے ملاقات کی بلکہ وہاں کھڑے کئی لوگوں سے ہاتھ ملایا اور بات چیت کی۔ بہت سے لوگ پی ایم مودی کو اپنے سامنے دیکھ کر بہت خوش ہوئے۔ اس دوران ی ایم مودی کے استقبال کے لیے مودی-مودی کے نعرے لگائے گئے۔ ہندوستانی نژاد لوگوں نے پی ایم مودی کے ساتھ سیلفیاں بھی لیں۔اس دورے کے دوران پی ایم مودی امریکی صدر ڈونلڈ ٹرمپ سے ملاقات کریں گے۔ پوری دنیا پی ایم مودی اور ڈونلڈ ٹرمپ کے درمیان ہونے والی ملاقات کا انتظار کر رہی ہے۔ کہا جا رہا ہے کہ اس ملاقات میں کئی اہم مسائل پر بات ہو سکتی ہے۔ جس کے دنیا پر بھی مثبت اثرات مرتب ہوں گے۔ پی ایم مودی 14 فروری تک امریکہ میں رہیں گے۔ اس دوران وہ ہندوستانی برادری کے لوگوں سے بھی مل سکتے ہیں۔
